#ახალიამბები
თურქეთი მედიკამენტებს აძვირებს. ბრძანება ქვეყნის პრეზიდენტმა 7 ივლისს გამოსცა. ტარიფების ცვლილების აუცილებლობა თურქული ლირის გაუფასურებამ გამოიწვია. რა გავლენა ექნება ამ გადაწყვეტილებას კონკრეტული წამლების ფასებზე და რამდენით გააძვირებს მათ, ამ ეტაპზე, უცნობია. ასევე, უცნობია, როგორ აისახება, ახალი საფასო პოლიტიკა საქართველოში თურქული ბაზრიდან იმპორტირებულ მედიკამენტების ღირებულებაზე. საქართველოს ბაზარზე თურქეთიდან იაფი მედიკამენტები 2022 წლის იანვრიდან შემოდის. ჯანდაცვის სამინისტროს ინფორმაციით, მაისის მონაცემებით თურქეთიდან იმპორტირებული მედიკამენტების მეშვეობით მოქალაქეებმა, ჯამში, 43 მლნ ლარამდე დაზოგეს.