#ახალიამბები
ბათუმში, სკვერებში არსებული ატრაქციონების ნაწილი ფასიანია. საკითხს „ერთიანი ნაციონალური მოძრაობა“ აპროტესტებს. ოპოზიცია ბათუმის მერიას მოუწოდებს, საბავშვო ატრაქციონები ისევ უფასო გახადოს. ხელისუფლების ოპონენტები აქცენტს, ბარათაშვილის ქუჩაზე, ღვთისმშობლის შობის ეკლესიის უკან მოწყობილ სკვერში არსებულ ატრაქციონებზე ამახვილებენ. მათი განცხადებით, დაწესებული გადასახადის გამო, გაძვირებული ცხოვრების ფონზე, პატარები გართობას ვეღარ ახერხებენ. კითხვების ადრესატ უწყებაში, საპასუხო კომენტარი, ჯერჯერობით, არ გაკეთებულა.