#ახალიამბები
უკანონო მოსმენები გრძელდება. სახელმწიფო უსაფრთხოების სამსახურის განსაკუთრებული ინტერესი, კრიტიკული მედიისკენაა მიმართული. ფარული მოსმენების მასშტაბი სულ უფრო და უფრო იზრდება. უკანონოდ მოპოვებულ ჩანაწერებს ამჯერად სამთავრობო მედია ავრცელებს. გარდა სატელეფონო საუბრებისა, სუსი მათ, თვალყურს ახალი ამბების რედაქციაშიც ადევნებს. კერძოდ, მოსასმენი მოწყობილობები დამონტაჟებული აქვთ ტელევიზიებში. ასე იგებენ, როგორ გეგმავენ კრიტიკული არხების ჟურნალისტები გადაცემებს. სუს-ს ერთ-ერთი ფაილი, მომღერალმა "უცნობმა" გაასაჯაროვა. ჩანაწერში ასახულია, როგორ გეგმავს "მთავარი არხის" წამყვანი გიორგი გაბუნია გადაცემას და საუბრობს საგამოძიებო ტელეპროექტის შესახებ. მედიაექსპერტები პირდაპირ ამბობენ, რომ სკანდალური ჩანაწერებით "უცნობმა" ქართული ოცნება ამხილა.