#ახალიამბები
ლექსო ლაშქარავას გარდაცვალებიდან 1 წელი გავიდა. ტვ პირველის ოპერატორს გასული წლის 5 ივლისს მოძალადე ჯგუფები სასტიკად გაუსწორდნენ, რის შედეგადაც მძიმე დაზიანებები მიიღო. 11 ივლისის დილას მისი ცხედარი დედამ საწოლში იპოვა. ლაშქარავას სირცხვილიას ოფისში სცემეს. მას სახის ძვლები ჰქონდა ჩამსხვრეული. ოპერატორის ცემის საქმეზე 5 ადამიანი დააკავეს. ხუთივე მათგანს 5-5 წლიანი პატიმრობა მიუსაჯეს. ამ დრომდე არ დასჯილან ძალადობის ორგანიზატორები. 2022 წლის იანვარში UNESCO-მ ლაშქარავა 2021 წელს მოკლული ჟურნალისტების სიაში შეიყვანა. ცნობისთვის, ოპერატორის გარდაცვალების შემდეგ ხელისუფლებამ მის წინააღმდეგ დისკრედიტაციის კამპანია აწარმოა.