14 996 923
ნახვა
18 776
ვიდეო

ხორბლის მოსავლის აღება და გაძვირებული დიზელი

გაზიარება შექმენი ლუპი
ივლისი 6, 2022
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

საქსტატმა 2022 წლის ივნისის თვის ინფლაციის ანგარიში გამოაქვეყნა. დოკუმენტის მიხედვით, გასული თვის განმავლობაში ქვეყანაში წლიური ინფლაციის დონე 12.8% იყო. მათ შორის ჯგუფების მიხედვით, ფასების ყველაზე მკვეთრი ზრდა სურსათზე დაფიქსირდა, რომლის ღირებულებაც წინა წელთან შედარებით 21.8%-ით არის გაძვირებული. 19.4%-ით მეორე ადგილზეა ტრანსპორტის ჯგუფი, რაც საწვავის ფასების ზრდას უკავშირდება.

პროდუქტებზე ფასების მკვეთრი ზრდა, ნაწილობრივ საწვავის გაძვირებას უკავშირდება. ბოლო დღეებში ბრენდულ ავტოგასამართ სადგურებზე ფასებმა ისევ მოიმატა. განსაკუთრებით გაძვირებულია დიზელი. მათ შორის, ეკო დიზელზე ფასმა 19 თეთრით მოიმატა და ახლა 4.76 ლარი ღირს, ევრო დიზელზე - 18 თეთრი მატების შემდეგ ფასი 4.72 ლარია.

რატი კოჭლამაზაშვილი, ფერმერთა ასოციაციის თავმჯდომარის მოადგილე საქმიან დილას ეუბნება, რომ აგროპროდუქტებზე 21%-იანი გაძირების მიუხედავად, ფასების კვლავ მომატებას ელოდება, რადგან დიზელზე ფასების მკვეთრი ცვალებადობა საერთაშორისო ბაზარზეც ნარჩუნდება.

დიზელის საწვავის ზრდას რომ თავისი ეფექტი ექნება ფერმერებზე, რომლებიც მოსავლის აღებას ელოდებიან, ამას ადასტურებს კერძო სექტორიც. BMG-სთან ფერმერები ამბობენ, რომ საწვავის ხარჯს მთლიან ხარჯებში 30-40%-მდე წილი აქვს. მათი განმარტებით, დიზელის ფასთან ერთად გაზრდილია სასუქებისა და პესტიციდების ღირებულებაც, რაც დამატებით წნეხია ბიზნესისთვის, შესაბამისად, როდუქტებზე ფასების ზრდა გარდაუვალია.

სტუმარი: ნიკოლოზ ბენიაიძე - “შირაქის” დამფუძნებელი;



#ახალიამბები #BusinessMediaGeorgia

მაჩვენე მეტი
ტეგები : #შირაქი #ბიზნესმედია #საქმიანები #საქმიანი დილა #BMG #businessmediageorgia #ნიკოლოზ ბენიაიძე