#ახალიამბებირუსმა ოკუპანტებმა დონეცკის ოლქის ქალაქ სლავიანსკზე მასიური იერიში მიიტანეს.

ამის შესახებ Facebook-ზე ქალაქის სამხედრო-სამოქალაქო ადმინისტრაციის ხელმძღვანელმა, ვადიმ ლიახმა დაწერა.

“სლავიანსკი! ქალაქის მასიური დაბომბვა! ცენტრი, ჩრდილოეთი. ყველა დარჩით თავშესაფრებში”, – ხაზგასმით აღნიშნა მან.

მისი თქმით, დაბომბვის შედეგებზე დამატებით ინფორმაციას მოგვიანებით გაავრცელებს.

“რადიო თავისუფლების” ცნობით, სარაკეტო იერიშის შედეგად ქალაქში ხანძრების მრავალი კერაა.

სულ მცირე ერთი ადამიანია დაღუპული.