#ახალიამბები
ძმები ნობელების სახელობის ტექნოლოგიური მუზეუმის მმართველად მედეა ჩარკვიანი დაინიშნა - ინფორმაცია TV25-ს თავად ჩარკვიანმა დაუდასტურა. მისი თქმით, შეთავაზება სსიპ „აჭარის მუზეუმის“ დირექტორისგან მიიღო. თანამშრომლებს ახალ ხელმძღვანელს ორშაბათს წარუდგენენ. შეგახსენებთ, მედეა ჩარკვიანს ბათუმის თოჯინებისა და მოზარდ მაყურებელთა სახელმწიფო თეატრის ხელმძღვანელობის დროს საქართველოს ფინანსთა სამინისტროს საგამოძიებო სამსახურმა, სამსახურეობრივი უფლებმოსილების ბოროტად გამოყებებისთვის ბრალი წარუდგინა. 2014 წელს მედეა ჩარკვიანს სასამართლომ გირაო შეუფარდა. საბოლოო გადაწყვეტილებით კი მისი ბრალეულობა არ დადგინდა. მედეა ჩარკვიანი პროფესიით ჟურნალისტია. იგი წლების განმავლობაში ბათუმის სახელმწიფო უნივერსიტეტში ლექციებს კითხულობდა.