#ახალიამბები
"ქართული ოცნება" კიდევ ერთ სკანდალში ეხვევა - საკონსტიტუციო სასამართლოს მოსამართლემ, მანანა კობახიძემ, სუს-ს პროკურატურაში უჩივლა. როგორც ირკვევა, სახელმწიფო უსაფრთხოების სამსახური საკონსტიტუციო სასამართლოს მოქმედ მოსამართლეს უკანონოდ უსმენდა. სავარაუდოდ, სუს-იდან 2021 წელს გაჟონილ ფაილებში მანანა კობახიძისა და პროტოპრესვიტერ გიორგი ზვიადაძის საუბრებიც მოხვდა, პრეზერვატივების კომპანია „აიისას“ სარჩელთან დაკავშირებით, რომლის განხილვაც საკონსტიტუციო სასამართლოში მიმდინარეობდა.
მანანა კობახიძე ზვიადაძესთან კავშირს არ უარყოფს, თუმცა, არ ადასტურებს კონკრეტულ სიტყვებს და ფრაზებს, რაც სუსის ფაილებში მოხვდა. მოქმედი მოსამართლე საქართველოს ხელისუფლების წინააღმდეგ ევროსასამართლოში დავასაც აანონსებს. მანანა კობახიძემ სუს-ის კრებსებში მოხვედრის შემდეგ საგამოძიებო უწყებას მიმართა - კობახიძე პროკურატურაში უკვე გამოიკითხა. თუმცა, ამ ეტაპზე მისთვის უცნობია, მიანიჭა თუ არა შოთაძის უწყებამ მას დაზარალებულის სტატუსი.