#ახალიამბები
ბათუმში, ლტოლვილთა საერთაშორისო დღე აღინიშნა. გაეროს ლტოლვილთა უმაღლესი კომისარიატის და ბათუმის მერიის ორგანიზებით, სოლიდარობის მარში გაიმართა. ღონისძიება ბათუმის ბოტანიკურ ბაღში შედგა. შეხვედრაზე მიწვეულნი იყვნენ სხვადასხვა ქვეყნიდან იძულებით გადაადგილებული პირები. ბათუმი, გლობალურ კამპანიას - „ქალაქები, ლტოლილთა გვერდით“ გასული წლის 20 ივნისს შეუერთდა. თარიღი ქვეყანაში წლებია აღინიშნება. იგი 2000 წლის 4 დეკემბერს, გაეროს გენერალურმა ასამბლეამ დააწესა. დღეის მდგომარეობით, მსოფლიოში 100 მილიონზე მეტი ლტოლვილია.