#ახალიამბები
„ნაციონალური მოძრაობა“, ბათუის მერიას, თამარის დასახლებაში, ქვეითთა გადასასვლელის მოწყობას სთხოვს. საკრებულოში, დასახლების მაჟორიტარი დეპუტატის თქმით, ქალაქის შემოსასვლელში, ოდისეი დიმიტრიადის ქუჩაზე, შესაბამისი ინფრასტრუქტურის არარსებობა მოსახლეობისთვის სახიფათოა, მძღოლები მუდმივად სიჩქარის გადაჭარბებით მოძრაობენ, რის გამოც ხშირია ავტოსაგზაო შემთხვევები. ნაზი ფუტკარაძის თქმით, ბათუმის საკრებულოს სხდომაზე საკითხი დააყენა, თუმცა მმართველი გუნდისგან მიიღო პასუხი, რომ ადაპტირებული გადასასვლელი ხიდების მოწყობა ძვირია და მითხოვნას ვერ დააკმაყოფილებენ. ოდისეი დიმიტრიადის ქუჩაზე, ქვეითთა გადასასვლელი ხიდის მოწყობისთვის საპროექტო შესყიდვა 2017 წელს გამოცხადდა, თუმცა ტენდერი ვერ შედგა და მერია საკითხს აღარ დაბრუნებია. ბათუმის მერის მოადგილე, დღეს ისევ საკითხის შესწავლის პირობას დებს.