#ახალიამბები

აჭარაში, ჯგუფურად ჩადენილი გამოძალვის ფაქტზე 3 პირი დააკავეს. გამოძიებით დადგინდა, რომ ბრალდებულები, ფინანსური სარგებლის მიღების მიზნით, უცხო ქვეყნის მოქალაქეს, რომელიც ხელვაჩაურში, პარაპლანების გაქირავებით კომერციულ საქმიანობას ეწეოდა, თანხას სძალავდნენ. ისინი ძალადობის გამოყენებით, სიცოცხლის მოსპობისა და პარაპლანების წართმევის მუქარით მას მიღებული შემოსავლის გაყოფას სთხოვდნენ. ჯგუფურად ჩადენილ გამოძალვის ფაქტზე გამოძიება მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.