#ახალიამბები
პრეზიდენტის დაანონსებული აქცია ორგანიზების გარეშე - ადგილზე, სადაც სალომე ზურაბიშვილმა დღეისთვის მოქალაქეებს შეკრებისკენ მოუწოდა, მოსამზადებელი სამუშაოები, ჯერ კიდევ, არ დაწყებულა. ევროპის მოედანზე არც სცენაა დამონტაჯებული და არც აპარტურა დგას. რას აპირებს პრეზიდენტის ადმინისტრაცია და როდის დაიწყებს მზადებას აქციისთვის უცნობია. პროევროპულ აქციაზე მოქალაქეებს ზურაბიშვილი 7 საათისთვის ელოდება. შეგახსენებთ, რომ თავდაპირველად პროევროპული აქცია 20 ივნისს სამოქალაქო აქტივისტებმა დააანონსეს. ამის შემდეგ კი იგივე შინაარსის კიდევ ერთი აქცია პრეზიდენტმა 16 ივნისს დაგეგმა. მან აქციაზე დიპლომატიური კორპუსის წარმომადგენლები მიიწვია. აქციაზე მისვლის სურვილი რამდენიმე ელჩმა გამოთქვა. პრეზიდენტის მიწვევა საქართველოში ევროკავსირის ელჩმა კარლ ჰარცელმაც მიიღო და ის ევროპის მოედანზე მისვლას გეგმავს.