#ახალიამბები
უკრაინაში დაღუპული ქართველი მებრძოლი, გიორგი გრიგოლია სამშობლოში გამთენიისას ჩამოასვენეს. მისთვის პატივის მისაგებად თბილისის საერთაშორისო აეროპორტში მოქალაქეები შეიკრიბნენ. ადგილზე იმყოფებოდნენ დაღუპული ოჯახის წევრები და ახლობლები. გიორგი გრიგოლია დონეცკის ოლქში, ბახმუტთან შეტაკებების დროს, უკრაინელ მებრძოლებთან ერთად აფეთქდა. მას აბაშაში დაასვენებენ, სადაც სამოქალაქო პანაშვიდი გაიმართება. ომის დაწყების პირველივე დღეებიდან, უკრაინაში რამდენიმე ასეული ქართველი მოხალისე იბრძვის. მოხალისეთა პირველი ნაკადი საქართველოდან უკრაინაში მარტის დასაწყისში წავიდა. ისინი სხვადასხვა ბატალიონში ირიცხებიან და ფრონტის წინა ხაზზე, საომარ მოქმედებებში მონაწილეობენ.