#ახალიამბები
მძიმე შეფასება გააკეთეს ევროპარლამენტარებმა საქართველოში არსებულ მედია გარემოსთან დაკავშირებით. სტრასბურგში გამართულ დებატებზე ისაუბრეს ჟურნალისტებზე თავდასხმის, მუქარის შემთხვევებსა და სისხლის სამართლებრივი დევნის ფაქტებზე. დეპუტატებმა გამოთქვეს იმედგაცრუება, რომ მედიის წინააღმდეგ ბრძოლაში ჩართულია მთავრობა. გამომსვლელების შეფასებით, სიტყვის თავისუფლებასთან მსგავსი მიდგომით, ხელისუფლება, ძირს უთხრის საქართველოს ამბიციებს, ევროკავშირისკენ მიმავალ გზაზე. დეპუტატების მოწოდებით, დრო დადგა, ქვეყნის მმართველმა ძალამ გაიგოს, რა დევს ფსონზე საქართველოს მომავლისთვის.