#ახალიამბები

„ვერავის ვერ გადაუღუნო, დავაი დააახვიე“, „ჭორიკნებო“, „ლოთებო,“ „მიღიმით ყველის ვაჭარივით“ -ამ ლექსიკით ისაუბრა რეგიონის საკანონმდებლო ორგანოში აჭარის მთავრობის თავმჯდომარემ. ადრესატები „ნაციონალური მოძრაობის“ წევრები იყვნენ.

სიძულვილის ენითა და ქუჩური მენტალობით მოსაუბრე თორნიკე რიჟვაძის ამ სიტყვებზე მმართველ გუნდსა და უმაღლესი საბჭოს თავმჯდომარეს რეაქცია არ ჰქონიათ. უფრო მეტიც, რიჟვაძეს თანაგუნდელები იცავდნენ და მისთვის შენიშნვა ან გაფრთხილება არ მიუციათ.


პირიქით, უმრავლესობის წევრებმა იერიში ოპონენტებზე მიიტანეს. შეგახსენებთ, გუშინ, აჭარის მთავრობის თავმჯდომარემ უმაღლესს საბჭოს საქმიანობის წლიური ანგარიში წარუდგინა. სხდომა 6 საათზე დიდხანს მიმდინარეობდა. იყო ხმაური და სიტყვიერი დაპირისპირება. რიჟვაძე ოპონენტების დასმულმა კრიტიკულმა კითხვებმა გააღიზიანა.