#ახალიამბები
„დამოუკიდებლობის დღეს განსაკუთრებულად გილოცავთ თქვენ, ვინც დღეს სამშობლოს წინაშე ფიცს დებთ.“ - ასე დაიწყო 26 მაისთან დაკავშირებულ ღონისძებაზე გამოსვლა ქვეყნის მთავარსარდალმა. სალომე ზურაბიშვილის მთავარი გზავნილი ეროვნული თანხმობა და ევროპისკენ სწრაფვა იყო. პრეზიდენტის თქმით, ქართველმა ერმა, წლების წინ, სწორედ, დღევანდელ დღეს გადაწყვიტა თავისუფალ, დამოუკიდებელ ქვეყანაში ცხოვრება. ზურაბიშვილმა ისაუბრა იმ საერთო ფასეულებებზე, რომელიც მისი თქმით ევროპული მომავლის გასაღებს წარმოადგენს. ესენია: სამართლიანი სასამართლო, შემწყნარებლობა, მრავალფეროვნება და ძალაუფლების დაბალანსება ავტორიტარიზმის ცდუნების ასაცილებლად. პრეზიდენტის განცხადებითვე, გადამწყვეტი ნაბიჯებით სიარული, საკუთარ თავთან დაბრუნებას უდრის.