#ახალიამბები
შეხვედრა გაუქმებულია - ბრიუსელში ნატოს გენერალური მდივანი და ირაკლი ღარიბაშვილი ერთმანეთს აღარ შეხვდებიან. ინფორმაცია ჩრდილოატლანტიკური ალიანსის ოფიციალურ ვებგვერდზე გამოქვეყნდა. მიზეზი ჯერჯერობით უცნობია. ოპოზიცია მიიჩნევს, რომ ეს „ქართულმა ოცნებამ“ სერიოზულ გაფრთხილებად უნდა მიიღოს. ხელისუფლების ოპონენტების შეფასებით, მიზეზი, შესაძლოა საქართველოს შიდა პოლიტიკურ საკითხებს უკავშირდებოდეს, როგორიცაა პოლიტიკური დევნა, მედიაზე ზეწოლა თუ რუსეთის მიერ უკრაინაში განხორციელებულ ომზე მმართველი პარტიის პოზიცია. „ოცნებაში“ შეხვედრის გაუქმება იენს სტოლტენბერგის ჯანმრთელობის მდგომარეობით ახსნეს. დეპუტატებმა ჟურნალისტებს ურჩიეს, მიზეზებით არ დაინტერესდნენ და პოზიტიურ ამბებზე კონცენტრირდნენ.