#ახალიამბები

ნიკა გვარამია დააკავეს. სასამართლომ მთავარი არხის დირექტორს 3 წლითა და 6 თვის ვადით პატიმრობა მიუსაჯა. პროკურატურა გვარამიას ჯერ კიდევ რუსთავი 2-ის დირექტორობის დროს, ტელეკომპანიის კუთვნილი ქონების დიდი ოდენობით გაფლანგვას, კომერციულ მოსყიდვას, ყალბი ოფიციალური დოკუმენტის დამზადებასა და გამოყენებას, ასევე უკანონო შემოსავლის ლეგალიზაციას ედავებოდა.

გვარამიას ბრალდება 2020 წლის 6 სექტემბერს წარედგინა. მასთან ერთად, საქმეზე ბრალდებულია კიდევ ორი პირი - რუსთავი 2-ის ყოფილი ფინანსური დირექტორი კახა დამენია და დაკავშირებული კომპანიის ინტერ მედია პლიუსის დირექტორი, ზურაბ იაშვილი. ეს უკანასკნელი სასამართლომ უდანაშაულოდ სცნო, დამენიას კი, მუხლი გადაუკვალიფიცირდა და 50 ათას ლარიანი ჯარიმა დაეკისრა.