#ახალიამბები
შემოსავლების სამსახურის წარმომადგენლებმა ბიზნესსექტორს ახალი სატარიფო რეგულაციები გააცნეს. თვითმომსახურებისა და ელექტრონული სერვისების წახალისების მიზნით, საბაჟო მიმართულებით გასაწევი მომსახურებების საფასურებში განხორციელებული ცვლილებები 14 მაისიდან ამოქმედდება. მთავრობის დადგენილების თანახმად, მონაცემთა ავტომატიზებულ სისტემაში დაშვებული პირების მიერ, საბაჟო დეკლარაციით გაცხადებული საქონლის გაფორმებისთვის მომსახურების უპირატესი, შემცირებული საფასურები დგინდება. ამასთან, ფართოვდება იმ საბაჟო პროცედურების ჩამონათვალი, რომელთა გამოყენებისას შესაძლებელია საქონლის წინასწარი დეკლარირება.