#ახალიამბები
ბათუმის საქალაქო სასამართლომ ნათია კაპანაძის იმპიჩმენტის გადაწყვეტილების ბათილად ცნობის მოთხოვნა არ დააკმაყოფილა. უარყოფილ იქნა განაცდურის ანაზღაურებისა და სამსახურში აღდგენის მოთხოვნაც. სასამართლომ იმპიჩმენტის 17 გარემოებიდან დასაბუთებულად, მხოლოდ, 4 მიიჩნია. ესენია:


თანამშრომელთა ანაზღაურების საკითხი, არამიზნობრივი ხარჯვის, პრიორიტეტების ნაწილის შეუსრულებლობა და სატელევიზიო რეიტინგები. კაპანაძე გადაწყვეტილებას "სამარცხვინოს" უწოდებს და კანონით დადგენილ ვადაში, სააპელაციო სასამართლოში გასაჩივრებას აპირებს. შეგახსენებთ, რომ ნათია კაპანაძისთვის უნდობლობის გამოცხადების პროცედურის დაწყების საკითხი, მაშინდელი ბორდის წევრებმა, ირაკლი დარცმელიძემ და გიგა ჩხარტიშვილმა დააყენეს. მათი თქმით, ყოფილი დირექტორი, გადაწყვეტილებებს ერთპიროვნულად იღებდა და თანხებს არამიზნობრივად ხარჯავდა. აჭარის ტელევიზიის დირექტორად კაპანაძე 2016 წლის ოქტომბერში აირჩიეს. მას თანამდებობა, ვადის ამოწურვამდე, 6 თვით ადრე დაატოვებინეს.