#ახალიამბები

ასლანი გაიქცა, აჭარა თავისუფალია“ - აჭარის ვარდების რევოლუციიდან 18 წელი გავიდა. ცენტრალურ და ადგილობრივ ხელისუფლებებს შორის დაპირისპირება 6 მაისს, აჭარაში მმართველობის შეცვლით დასრულდა. ასლან აბაშიძეს, რომელიც 13 წლის განმავლობაში ერთპიროვნულად მართავდა აჭარას, თანამდებობა იძულებით დაატოვებინეს. იგი რუსეთის ეროვნული უშიშროების საბჭოს მდივანთან იგორ ივანოვთან მოლაპარაკებების შემდეგ, ოკუპანტ ქვეყანაში გაემგზავრა. მაშინ პრეზიდენტმა მიხეილ სააკაშვილმა განაცხადა, რომ აბაშიძის გადადგომა „საქართველოს აღმშენებლობის საწინდარია.“ „თქვენ ხართ გმირები,“ - ასე მიმართა სააკაშვილმა ბათუმში, აბაშიძის ყოფილი რეზიდენციის ფანჯრიდან, შეკრებილ მოსახლეობას. სახელისუფლებო ცვლილებების სამზადისი 2003 წლის ოქტომბერში დაიწყო.