#ახალიამბები
მედიის თავისუფლების ინდექსით საქართველო 29 პუნქტით დაქვეითდა და 180 ქვეყანას შორის, 59,30 ქულით 89-ე ადგილს იკავებს. ანგარიში საერთაშორისო ორგანიზაცია Reportes Without Borders-მა მოამზადა. წინა წელს, მედიის თავისუფლების ინდექსით, საქართველო მე-60 ადგილზე იყო და 71,36 ქულა ჰქონდა მინიჭებული. ინდექსი შედგება შემდეგი 5 პუნქტისგან: - პოლიტიკური, ეკონომიკური, კანონმდებლობა, სოციალური ინდიკატორი და უსაფრთხოება. როგორც ორგანიზაცია თავის ანგარიშში აღნიშნავს, 2021 წელს ჟურნალისტებზე უპრეცედენტო რაოდენობის თავდასხმა განხორციელდა. მათი შეფასებით, ქვეყანაში, ჟურნალისტებზე ფიზიკური და სიტყვიერი თავდასხმა ჩვეულებრივი მოვლენაა. ამ შეფასების მიუხედავად, პრემიერი, პრესის თავისუფლების საერთაშორისო დღესთან დაკავშირებულ მილოცვაში ამბობს, რომ ქართული მედიასივრცე თავისუფალია. ირაკლი ღარიბაშვილის თქმით, ჟურნალისტიკის გაძლიერებისა და შემდგომი განვითარებისთვის ყველა პირობაა შექმნილი და რომ პრესის თავისუფლების ინდექსით საქართველო რეგიონში უდავო ლიდერია.