#ახალიამბები

ხუცუბნის ახალი სკოლის მშენებლობის სამუშაოები განახლდა. პროექტის მიხედვით, 350 მოსწავლეზე გათვლილი სამსართულიანი შენობა უნდა აშენდეს, რომელშიც განთავსდება 12 საკლასო ოთახი, ლაბორატორიები, კომპიუტერული კაბინეტი, ბიბლიოთეკა, კვების სივრცე, სპორტდარბაზი და 150 მაყურებელზე გათვლილი სააქტო დარბაზი. აჭარის განათლების სამინისტროს ინფორმაციით, დაწესებულება სრულად ადაპტირებული იქნება. ახალი შენობის აშენებამდე მოსწავლეები სწავლას ქვედა სამების საჯარო სკოლაში განაგრძობენ. ტრანსპორტირებას სამინისტრო უზრუნველყოფს. უწყებამ, მიმდინარე წელს, ხელშეკრულება შეუწყვიტა კომპანიას, რომელმაც ნაკისრი ვალდებულებები ვერ შეასრულა და ხელახალი ტენდერი გამოაცხადა.