#ახალიამბები
სამშნებლო დავა ბათუმში. ნიჟარაძის 21 ნომერში მცხოვრები შავაძეების ოჯახი, „ელიტ ბილდინგს“ უკანონო საქმიანობაში ადანაშაულებს. კომპანია აღნიშნულ მისამართზე მრავალბინიანი კორპუსის მშენებელობას ახორციელებს. შავაძეები აცხადებენ, რომ ინვესტორი მათ ტერიტორიაზე უკანონოდ იჭრება და ზიანს აყენებს. საუბარია მიწის ნაკვეთზე, რომელიც სამუშაო პროცესის დროს ჩამოიშალა. ბრალდების ადრესატ კომპანიაში ამბობენ, რომ პრობლემას მუნიციპალური ინსპექციის დავალების საფუძველზე, ხუთი დღის ვადაში აღმოფხვრიან. რაც შეეხება სამშენებლო სამუშაოებს, გვარწმუნებენ, რომ პროცესი უსაფრთხოა და იგი უსაფრთხოების ნორმების დაცვით მიმდინარეობს.