#ახალიამბები
კომპანია "ნევ ბათუმი"-ს აშენებულ კორპუსებში მცხოვრებლები ისევ ქუჩაში გამოვიდნენ. ანგისის 13 ნომერში მდებარე მრავალბინიან სახლებში მცხოვრებლები ამბობენ, რომ ინვესტორი აღებულ ვალდებულებებს არ ასრულებს. აცხადებენ, რომ საცხოვრებლებში წყალი, გაზი და შუქი გრაფიკით მიეწოდებათ.

მათი თქმით, ბინების კვადრატობა, გადახდილ ფასთან შეუსაბამოა, მოტყუებულნი დარჩნენ და ფართობებს ვერ იკანონებენ.

აღნიშნულთან დაკავშირებით ადგილობრივ ხელისუფლებასაც არაერთხელ მიმართეს, თუმცა, უშედეგოდ. ისინი სასამართლო დავის გაგრძელებას გეგმავენ.