#ახალიამბები

რელიგიურ ორგანიზაციებს დაფინანსება კიდევ ერთი მილიონი ლარით გაეზარდა. თანხა საქართველოს მთავრობის სარეზერვო ფონდიდან გამოიყოფა და მას რელიგიურ ორგანიზაციებს შორის, რელიგიის საკითხთა სახელმწიფო სააგენტო გაანაწილებს.

ხელისუფლება გადაწყვეტილებას რელიგიური გაერთიანებებისთვის საბჭოთა ტოტალიტარული რეჟიმის დროს მიყენებული მატერიალური და მორალური ზიანის ანაზღაურებით ხსნის. მთავრობის ადმინისტრაციის ინფორმაციით, ხელისუფლებამ დაფინანსების გაზრდისას მრევლის, სასულიერო პირებისა და საკულტო შენობა-ნაგებობების რაოდენობით იხელმძღვანელა და გადაწყვეტილება რელიგიის სააგენტოსა და რელიგიურ გაერთიანებებთან კონსულტაციების შედეგად მიიღო.