#ახალიამბები

საქართველოში საარსებო შემწეობას 652 ათას 96 ადამიანი იღებს. ეს რაოდენობა ქვეყნის მოსახლეობის 17.5%-ს შეადგენს. სოციალური მომსახურების სააგენტოს მონაცემებით, სახელმწიფოსგან ფულადი დახმარების მიმღებ პირთა რაოდენობა, მხოლოდ, ბოლო სამ თვეში 8 ათას 929 ადამიანით გაიზარდა. გასული წლის დეკემბრის თვეში შემწეობა 174 379-მა ოჯახმა, ანუ 643 167-მა ადამიანმა მიიღო. მიმდინარე წლის იანვარში, თებერვალსა და მარტში კი, ეს რაოდენობა, თითქმის, 9000-ით გაიზარდა. საარსებო შემწეობის მიმღებ ოჯახებზე გადარიცხულმა თანხამ, ბოლო სამ თვეში, დაახლოებით, 133 მილიონ 54 ათასი ლარი შეადგინა.