#ახალიამბები
მასობრივი გენოციდი უკრაინაში. ქალაქ ბუჩაში რუსმა სამხედროებმა საწამებელი ოთახები მოაწყეს. გავრცელებულ კადრებში ჩანს, რომ მშვიდობიან მოქალაქეებს აგრესორები ერთ ოთახში წამებით კლავდნენ, მეორეში კი, ცხედრებს ყრიდნენ. თითოეულ მსხვერპლს ხელები აქვს შეკრული და კედლისკენ მუხლმოდრეკილი დგას. უკრაინის სარიტუალო სამსახურის ინფორმაციით, 350-მდე ადამიანის ცხედარი დაკრძალეს. ისინი არ გამორიცხავენ, რომ მსხვერპლთა რაოდენობა ისევ გაიზარდოს, რადგან 20-მდე მისამართი ჯერ კიდევ გადასამოწმებელია. მომხდარს გამოეხმაურა ვოლოდიმერ ზელენსკი. „ეს მართლაც გენოციდია. მთელი ერის მკვლელობის ოპერაცია“ - თქვა უკრაინის პრეზიდენტმა.