#ახალიამბები
ადამიანის უფლებათა ევროპულმა სასამართლომ 5 ივლისის ძალადობრივი მოვლენების შესწავლა დაიწყო. ინფორმაციას თბილისი პრაიდი ავრცელებს. საქმე ეხება გასული წლის 5-6 ივლისის მოვლენებს - ძალადობრივი ჯგუფების მიერ "ღირსების მარშის" ორგანიზატორებისა და ლგბტ აქტივისტების წინააღმდეგ მიმართულ ფართომასშტაბიან და ორგანიზებულ ძალადობას.
მომჩივნები სტრასბურგის სასამართლოს სთხოვენ დაადგინოს ადამიანის უფლებათა ევროპული კონვენციის მე-14 მუხლის დარღვევა მე-3 და მე-11 მუხლებთან კავშირში, რაც გულისხმობს დისკრიმინაციული მოტივით ღირსების შემლახველ მოპყრობასა და შეკრების თავისუფლების ხელყოფას. მომჩივნები განსაკუთრებულ ყურადღებას სახელმწიფოს უმოქმედობასა და ჩადენილი დანაშაულების არაეფექტურ გამოძიებაზე ამახვილებენ.