#ახალიამბები

პუტინის ომი უკრაინაში ისევ გრძელდება და უკვე 37-ე დღეს ითვლის. საომარი მოქმედებების მთავარი სამიზნე კვლავ მშვიდობიანი მოსახლეობაა. მტერი ცეცხლს საცხოვრებელ კორპუსებს უხსნის. დღითიდღე იზრდება დაღუპულთა რიცხვი.

ბოლო მონაცემებით, რუსეთის აგრესიას უკრაინაში, 153 ბავშვის სიცოცხლე ემსხვერპლა. დაშავდა 245 მოზარდზე მეტი. უკრაინის გენერალური პროკურატურის ინფორმაციით, დაბომბვის შედეგად, დაზიანდა 859 სასწავლო დაწესებულება, მათგან 83 სრულადაა განადგურებული. ყველაზე რთული ვითარება დონეცკის, ხარკოვის, მიკოლაევის, სუმის, ხერსონის, ჟიტომირის, ჩერნიგოვის ოლქებსა და დედაქალაქ კიევშია.