#ახალიამბები
ბათუმის საქალაქო სასამართლომ, „ერთიანი ნაციონალური მოძრაობის“ სარჩელი არ დააკმაყოფილა. მოსამართლემ განაცხადა, რომ აღნიშნული ბრალი მყარი მტკიცებულებებით არ დასტურდება. ოპოზიცია, შუალედური არჩევნებიდან, რამაზ ჯინჭარაძის კანდიდატურის მოხსნას ითხოვს. მათი მტკიცებით, „ქართული ოცნების“ კანდიდატი ამომრჩევლის მოსყიდვას ახორციელებდა. ხელისუფლების ოპონენტები ამბობენ, რომ ჯინჭარაძე, 2019 წლიდან ე.წ „ოცნების ქალაქში“ ბინების განაწილების კომისიის წევრი იყო და წინასაარჩევნო აგიტაციის დროს, ადგილობრივებს ბინებს ჰპირდებოდა.