#ახალიამბები
ერთკაციანი პროტესტი, აჭარის მთავრობის სახლთან. ადმინისტრაციულ შენობასთან სოციალურად დაუცველი მოქალაქე შიმშილობს. შადიმან ხოზრევანიძე აცხადებს, რომ ქრონიკული დაავადებები აწუხებს, აჭარის ჯანდაცვის სამინისტრო კი, მკურნალობის ხარჯებს არ უფინანსებს. მისივე განმარტებით, წლიური შემოსავალი, სოციალური დახმარების სახით, 600 ლარი აქვს, რაც არასაკმარისია. სამინისტროში განაცხადეს, რომ ხოზრევანიძეს ექიმთან კონსულტაციაში დაეხმარნენ და პაციენტს მკურნალობა დაუნიშნეს. ექიმების ინფორმაციით, იგი სტაციონარში მოთავსებასა და დამატებით დაფინანსებას არ საჭიროებს. თავად ხოზრევანიძე კი, მკურნალობის გაგრძელებას, სწორედ, სტაციონარში ითხოვს.