#ახალიამბები
რუსეთის წინააღმდეგ ბრძოლაში დაღუპული დავით გობეჯიშვილი თბილისში ჩამოასვენეს. იგი, უკრაინაში, ქალაქ ირპენში იბრძოდა. გმირს აეროპორტში ოჯახის წევრებთან ერთად მოქალაქეები დახვდნენ და პატივი მიაგეს. დავით გობეჯიშვილი საქართველოს მეოთხე მებრძოლია, ვინც უკრაინის ომში ოკუპანტებმა მოკლეს. 17 მარტს სწორედ ქალაქ ირპენთან დაიღუპნენ გია ბერიაშვილი და დავით რატიანი. 20 მარტს კი მარიუპოლში მოკლეს ბახვა ჩიქობავა. ბერიაშვილი და რატიანი საქართველოში ჩამოასვენეს და 26 მარტს სამოქალაქო სასაფლაოზე დაკრძალეს. ბახვა ჩიქობავას ცხედრის ჩამოსვენება მარიუპოლის ალყის გამო ვერ ხერხდება.