#ახალიამბები
იოსებ ჩარკვიანის სახელობის სამშობიარო სახლის მეწილეები პარტნიორებს მოუწოდებენ არ დათმონ საკუთარი წილები. ამ მიზეზით აქციაც გამართეს. მათი თქმით, გამარჯვებამდე მხოლოდ ორი კვირა აშორებთ და ინვესტორების შეთავაზებაზე ცდუნებას უნდა გაუძლონ. როგორც აქციის მონაწილეებმა აღნიშნეს, წილების შეძენით, ბათუმის საკრებულოს ყოფილი წევრი, მიშა ართმელაძეა დაინტერესებული და სამშობიარო სახლის პარტნიორებთან ფარულ მოლაპრაკებებს აწარმოებს.
მათი თქმით, სააქციო საზოგადოების წესდება, წილების ისევ პარტნიორებზე გასხვისების საშუალებას იძლევა. მეწილეებს შორის პრობლემები მას შემდეგ დაიწყო, რაც სამედიცინო დაწესებულებაში ახალი დირექტორი დაინიშნა. საქმე სააპელაციო ინსტანციაშია და დავა 11 აპრილის პროცესზე უნდა დასრულდეს. რაც შეეხება მიშა ართმელაძეს, ამბობს, რომ ამ ეტაპზე, სამშორბიარო სახლის წილების შეძენის ინტერესი არ აქვს.