#ახალიამბები
„ერთიანი ნაციონალური მოძრაობა“ ბათუმის საკრებულოს გარდაცვლილი წევრის, ნუგზარ ფუტკარაძის შვილისთვის დაზარალებულის სტატუსის მინიჭებას ითხოვს. პარტიამ პროკურატურას უკვე მიმართა. გარდა ამისა, მათ გამოძიების დაჩქარებაც სურთ. დაზარალებულად ცნობა ერთგვარი საშუალებაა, რომ ოჯახის წევრს, გამოძიების მასალებთან წვდომა ჰქონდეს. ნუგზარ ფუტკარაძე გასული წლის ნოემბერში გარდაიცვალა. „ნაცმოძრაობამ“ მალევე გაავრცელა აუდიოფაილი, რომლის მიხედვითაც, საკრებულოს წევრს 100 ათასი დოლარის სანაცვლოდ, დამოუკიდებელ დეპუტატობას სთხოვდნენ. გამოძიების შედეგები, ამ დრომდე, უცნობია.