#ახალიამბები
უკრაინისა და რუსეთის ოფიციალურ დელეგაციებს შორის მორიგი შეხვედრა დღეს იგეგმება. ეს რიგით უკვე მეხუთე რაუნდია. უკრაინის პრეზიდენტის ოფისის ხელმძღვანელის მრჩეველი, მიხაილ პოდოლიაკი მედიასთან აცხადებს, რომ მოლაპარაკებების მორიგი რაუნდი ონლაინფორმატში გაიმართება. მოლაპარაკებებთან დაკავშირებით CNN-თან ისაუბრა ვოლოდიმირ ზელენსკიმ. უკრაინის პრეზიდენტმა კიდევ ერთხელ აღნიშნა, რომ ვლადიმერ პუტინთან შესახვედრად მზადაა. ასევე განაცხადა, რომ თუ მოლაპარაკების მცდელობა წარუმატებელი იქნება, ეს, შესაძლოა, მესამე მსოფლიო ომის დაწყებას ნიშნავდეს.