#ახალიამბები
ირაკლი კუპრაძის და ლევან გორგილაძის საქმის სასამართლო პროცესი გადაიდო. შემდეგი მოსმენა ოთხ აპრილს ჩატარდება. დღეს, ბათუმის საქალაქო სასამართლოს მოსამართლე ხათუნა ბოლქვაძემ ოთხ მოწმეს მოუსმინა. აქედან ორი ბრალდების მხარის მოწმე იყო, ორი კი, პარტია „ლელო საქართველოს“ წევრი. ირაკლი კუპრაძის თქმით, დღევანდელ პროცესზე დადასტურდა, რომ მისი დაკავება პოლიტიკური იყო. კუპრაძესთან ერთად კიდევ ექვსი პირი, პირველ მარტს, აჭარის მთავრობის სახლის წინ, უკრაინის მხარდამჭერ საპროტესტო აქციაზე დააკავეს.