#ახალიამბები
„საზოგადოება თქვენზე ბევრად ფხიზელია, შეგნებული, მამაცი და რაც მთავარია, ერთიანი“, - ასე მიმართა სალომე ზურაბიშვილმა პარლამენტში მყოფ დეპუტატებს. პრეზიდენტმა თანაგუნდელებსა და ოპოზიციის წევრებს უთხრა, რომ ეროვნული თანხმობის ნიშნებს, რომელმაც ხალხში უკვე გაიღვიძა, მათში ჯერ ვერ ხედავს.
ქვეყნის მთავარსარდალმა პარლამენტარებს ის პასუხისმგებლობა შეახსენა, რაც საზოგადოების წინაშე აკისრიათ. ზურაბიშვილმა სიტყვით გამოსვლისას, ვოლოდიმერ ზელენსკისაც მიმართა და სთხოვა, რომ უკრაინის ელჩი საქართველოში დააბრუნოს, რათა ამ უმძიმეს წუთებში, კავშირი სრულად გამყარდეს. და ბოლოს, პრეზიდენტმა მადლობა გადაუხადა ხალხს, ყველა იმ კერძო წამოწყებისა და სოლიდარობის ინიციატივებისთვის, რითაც უკრაინისადმი მხარდაჭერა გამოხატეს.