#ახალიამბები
ომის მე-19 დღე უკრაინაში. ფრონტის ხაზზე მყოფ ქვეყანაში მდგომარეობა დღითიდღე მძიმდება. ოკუპანტებმა კიევში, 9 სართულიანი საცხოვრებელი კორპუსი დაბომბეს.

ცეცხლი უცნობი ობიექტის დარტყმამ გამოიწვია. შედეგად, დაიღუპა 2 ადამიანი. მაშველებმა ნანგრევებიდან 17 მოქალაქე ამოიყვანეს, მათგან 3 მძიმედაა დაშავებული.

სამძებრო სამუშაოები გრძელდება. გასულ ღამეს, რუსმა სამხედროებმა სარაკეტო იერიში ჟიტომირში, ადმინისტრაციულ შენობებზე მიიტანეს. 7 ნაგებობის დაბომბვის შედეგად, დაშავდა 4 ადამიანი. ნაღმი მოხვდა როვნოსთან ახლოს მდებარე სატელევიზიო ანძასაც. დაზიანების გამო რეგიონში, ტელე-რადიო მაუწყებლობა შეწყვეტილია.