ნარინჯისფერი რთველის სეზონი აქტიურ ფაზაშია. მეციტრუსეები მოსავალს სარეალიზაციოდ ამზადებენ. თუმცა ფერმერები ციტრუსის დაბალი ხარისხის გამო, ფიქრობენ, რომ მანდარინის ადეკვატურ ფასად გაყიდვა გაუჭირდებათ. სოფლებში მცხოვრებლები , სოფლის მეურნეობის სამინისტროსგან ხელშეწყობას ელოდებიან.

აჭარაში ნარინჯისფერი რთველი მიმდინარეობს. გასულ წელთან შედარებით ფერმერები მოსავლით უკმაყოფილოები არიან. ამბობენ, რომ ციტრუსის რაოდენობა მოსალოდნელზე ცოტაა და ისიც უხარისხო. მანდარინის გაფუჭებას უხარისხო შხამქიმიკატებს უკავშირებენ. შიშობენ, რომ წლევანდელი შემოსავალი ბაღის მოვლისთვის გაწეულ ხარჯსაც ვერ გაწვდება.

წლევანდელი მოსავლის დაბალ ხარისხს შესაწამლი მედიკამენტების არქონას უკავშირებს მერაბ თედორაძე. ამბობს, რომ უსახსრობის გამო ბაღის მოვლა-პატრონობას ვეღარ ახერხებს. შედეგად, მანდარინს შემოსავლის წყარო ვეღარ იყენებს. ფერმერი ვარაუდობს, რომ სამომავლოდ შესაძლოა მცენარეების განადგურებაც მოუწიოს.

პროდუქციის დაბალ ხარისხზე საუბრობენ რეალიზატორებიც. ამბობენ, რომ ხშირად, ციტრუსი ისეთ ცუდ მდგომარეობაშია ჩაბარება უჭირთ. მაღალი ხარისხის მანდარინის ფასს კი საშუალოდ, 70 თეთრით განსაზღვრავენ.

არსებული პრობლემების მიუხედავად, აჭარის სოფლი მეურნეობის სამინისტრო წარმატებული სეზონის მოლოდინშია. უწყება, ნარინჯისფერ რთველზე გასული წლის მსგავსად დიდ იმედებს ამყარებს და ჯამში 70 000 ტონა მანდარინის მოსავალს ელოდება. აქ ამბობენ, რომ ნაადრევი ჯიშის ციტრუსის ექსპორტი უკვე დაიწყო.

სოფლის მეურნეობის სამინისტროს მტკიცებით, არასტანდარტული ციტრუსის სუფსიდირება წელსაც განხორციელდება. უწყებამ ამისთვის ბიუჯეტიდან 900 000 ლარი გამოყო, რაც 7000 ტონამდე დაბალი ხარისხის მანდარინის გადამუშავებას გულისხმობს.

ნარინჯისფერი რთველის სეზონი აქტიურ ფაზაშია. მეციტრუსეები მოსავალს სარეალიზაციოდ ამზადებენ. თუმცა ფერმერები ციტრუსის დაბალი ხარისხის გამო, ფიქრობენ, რომ მანდარინის ადეკვატურ ფასად გაყიდვა გაუჭირდებათ. სოფლებში მცხოვრებლები , სოფლის მეურნეობის სამინისტროსგან ხელშეწყობას ელოდებიან.

აჭარაში ნარინჯისფერი რთველი მიმდინარეობს. გასულ წელთან შედარებით ფერმერები მოსავლით უკმაყოფილოები არიან. ამბობე