გიორგი სულარიძე 8 წელია უფასო სასადილოს ბენეფიციარია. გვიყვება, რომ აქ მიღებული საკვების მადლიერია, თუმცა, ამბობს. რომ 24 საათში ერთჯერადი კვება საკმარისი არაა. იმის გამო, რომ მისი ულუფა ნახევარი პურისგან და ერთი თეფში წვნიანისგან შედგება, თითქმის, ყოველდღე მშიერი დადის.
მხოლოდ ბათუმში, უფასო სასადილოს ბენეფიციართა რაოდენობა, მიმდინარე წელს, 1 600 ადამიანით გაიზარდა და 7 595-ს მიაღწია. თუ ბათუმის მუნიციპალური უფასო სასადილოს 2021 წლის ბიუჯეტის ქვეპროგრამის ხარჯებს გადავხედავთ, საკვები პროდუქტის შესაძენად 3 მილიონ 670 ათასი ლარია გათვალისწინებული. ეს ნიშნავს, რომ ერთი ადამიანისთვის, მთელი დღის, საკმარისი საკვების მიწოდება 2 ლარიც კი არ ჯდება. ამ ფონზე, აჭარაში მოღვაწე მაღალჩინოსნებისა და მათი სტუმრებისთვის, რესტორნებში, ერთ პერსონაზე, საბიუჯეტო თანხებიდან, 70-დან 200 ლარამდე იხარჯება. საკითხი, ანალიტიკოს ჟურნალისტთა გაერთიანება, „ფაქტ მეტრმა“ გამოიკვლია. ეს თანხა, დღეში, მინიმუმ, ოცი ბენეფიციარის გამოსაკვებად იქნებოდა საკმარისი.
ამ მიმართულებით, გახარჯული თანხის ყველაზე დიდი რაოდენობა აჭარის ფინანსთა და ეკონმიკის სამინისტროზე მოდის. მაშინ, როცა ქართველი ეპიდემიოლოგები კოვიდის ახალი შტამის გავრცელებას პროგნოზირებდნენ, რეგულაციების დაცვისკენ მკაცრად მოგვიწოდებდნენ და ზაფხულის სეზონის შემდეგ ინფიცირებულთა ზრდას აანონსებდნენ, აჭარის მაღალჩინოსნებისა და მათი სტუმრებისთვის რესტორნებში დახუნძლული სუფრები იშლებოდა. ოპოზიციის შეფასებით, ეს, მოქალაქეებისადმი ხელისუფლების გულგრილ დამოკიდებულებაზე მეტყველებს,
ოპოზიციაში ამბობენ, რომ მსგავსი საჭიროების ბენეფიციართა რაოდენობის ზრდა, ქვეყანაში არსებულ მძიმე სოციალურ მდგომარეობაზე მიუთითებს. ხელისუფლების ოპონენტები, მოსახლეობის ეკონომიკური მდგომარეობის გაუმჯობესების გამოსავალს, ბიუროკრატიული ხარჯების შემცირებაში ხედავენ.
აჭრაში მოქმედი, ოთხი სამინისტროსა და უმაღლესი საბჭოს სარესტორნო ხარჯმა, 2021 წლის იანვრიდან სექტემბრის ჩათვლით, 46 215 ლარი შეადგინა. ამ თანხის დიდი წილი, 33 813 ლარი, მხოლოდ ფინანსთა და ეკონომიკის სამინისტროზე მოდის. რატომ ხარჯავს აჭარის მთავრობა, მხოლოდ ერთი ლხინის სუფრისთვის, 800 ბენეფიციარის გა