იუსტიციის სამინისტრო ადამიანის უფლებების საპარლამენტო კომიტეტისა და ჯანდაცვის კომიტეტის თავმჯდომარეებს, მიხეილ სააკაშვილის უფლებების დაცვის მონიტორინგში ჩაერთვას სთხოვს. უწყება გავრცელებული განცხადებით თანამშრომლობისთვის მიმართავს სახალხო დამცველს, ნინო ლომჯარიას. ხოლო, ჯანდაცვის მინისტრს, პატიმრის ჯანმრთელობის მდგომარეობის შესწავლისა და დეტალური ანალიზის მიზნით, ექიმების მულტიფუნქციური ჯგუფის გამოყოფისკენ მოუწოდებს. მიხეილ სააკაშვილი უკვე 12 დღეა, შიმშილობს. ყოფილი პრეზიდენტი 1-ლ ოქტომბერს თბილისში დააკავეს.