კიდევ ერთი სახლი ჩამნგრევის საფრთხის წინაშე. ბათუმში. ტბელ აბუსერიძის 9-ში, კერძო პირმა საცხოვრებელი კორპუსის პირველ სართულზე, იატაკისა და კედლების ნაწილობრივი დემონტაჟი განახორციელა. 8 ოქტომბრის ტრაგედიის შემდეგ, დარღვევით მიმდინარე სამშენებლო სამუშაოებთან დაკავშირებით, მუნიციპალურმა ინსპექციამ, ამჯერად, საქმის წარმოება დაიწყო. გაიცა წერილობითი მითითება, რომ მეპატრონემ ობიექტს პირვანდელი სახე დაუბრუნოს, წინააღმდეგ შემთხვევაში გატარდება კანონით გათვალისწინებული ღონისძიებები. უწყებაში განაცხადეს, რომ ბოლო ოთხი დღის განმავლობაში, მოქალაქეების შეტყობინების საფუძველზე , 200-მდე ობიექტი გადამოწმდა.