25-09-21 კრივი boxing (+90,7kg) სუპერმძიმე წონაში ახალი ჩემპიონის ალექსანდრ უსიკის ინტერვიუ - ენტონი ჯოშუასთან ბრძოლის შემდეგ. Interview of the undisputed world heavyweight boxing champion. Интервью абсолютного чемпиона Мира по боксу в супертяжёлом весе.
სერგო დავლიანიძის რუბრიკა - კრივი.
Boxing's Official Record Keeper - Oleksandr Usyk : https://boxrec.com/en/proboxer/659772
Boxing's Official Record Keeper - Anthony Joshua : https://boxrec.com/en/proboxer/659461
ლონდონში : https://1tv.ge/news/aleqsandr-usiki-supermdzime-wonis-akhali-chempionia-video-1tvsport/
ლონდონში, „ტოტენჰემ ჰოთსპურის“ არენაზე სუპერმძიმე კატეგორიაში წლის ბრძოლა გაიმართა, რომელშიც ბრიტანელი ენტონი ჯოშუა და უკრაინელი ალექსანდრ უსიკი შეხვდნენ ერთმანეთს. ორი ოლიმპიური ჩემპიონი შესანიშნავი ბექგრაუნდით: ჯოშუა – მოქმედი ჩემპიონი სუპემძიმე წონაში; უსიკი – ყოფილი აბსოლუტური ჩემპიონი პირველ მძიმე წონაში („კრუზერვეიტი“), რომელსაც პროფესიულ რინგზე წაგება არ ჰქონდა. თამაშდებოდა ყველა ის ძირითადი საჩემპიონო ქამარი, რომელსაც ჯოშუა ფლობდა – WBA, WBO და IBF.
ბევრი ექსპერტი ფავორიტად ჯოშუას მიიჩნევდა, იმავე აზრზე იყვნენ ბუკმეიკერები. ამგვარი პროგნოზი კეთდებოდა გაბარიტების გამო. ყველა ხაზს უსვამდა იმას, რომ ბრიტანელი ზედმეტად მძლავრია თავის მეტოქეზე და ეს არ არის უსიკის წონითი კატეგორია.
სწორედ ამის გამო, უკრაინელს ძალიან გრძელი საწვრთნელი ბანაკი ჰქონდა, მოიმატა წონაში (კარიერაში მაქსიმალურ საბრძოლო წონას მიაღწია – 100,2 კგ) და დიდი ბრძოლისთვის კარგად მოემზადა.
უკვე პირველი წამებიდან ცხადი გახდა, რომ წონის მომატებას არ უმოქმედია უკრაინელის მანევრირებასა და სისწრაფეზე. უსიკი შესანიშნავად მუშაობდა ხელებით და ფეხებით და ძალიან მალე მისი დარტყმები უკვე მიზანსაც აღწევდა – მისი ძლიერი მარცხენა ზედიზედ არღვევდა ბრიტანელის დაცვას, თავად ჯოშუა კი ძალიან პასიურად გამოიყურებოდა.
მეორე სამწუთეულში ენტონიმ აქტიურობის ნიშნები გამოავლინა, მაგრამ სწრაფი მეტოქის ფონზე მაინც მოკრძალებულად გამოიყურებოდა.
მესამე რაუნდში უსიკი ზრდიდა ზეწოლას და ბოლო წუთზე შეაზანზარა კიდეც მეტოქე მარცხენა გვერდიდან დარტყმით, თან ისე, რომ ბრიტანელს ფეხები მოეკეცა. ენტონი იმან გადაარჩინა, რომ ბრძოლა ახალი დაწყებული იყო და ჯერ დაღლა არ ეტყობოდა. მომდევნო რაუნდში უსიკმა დაამატა შეტევები კორპუსში, ჩემპიონი კი ისევ პასიურად გამოიყურებოდა, უფრო ზუსტად, ასეთად ის უკრაინელის მოქმედებებმა აქციეს.