ეს სოფელი დაგვაა. კადრებში ახლა თქვენ გზის იმ სავალ ნაწილს ხედავთ, რომლითაც მოსახლეობას წლებია სარგებლობს. ადგილობრივების თქმით, პრობლემა თავს განსაკუთრებით უამინდობისას იჩენს. არსებულ მდგომარეობაზე, ინფორმირებულია ყველა პასუხისმგებელი ორგანო, თუმცა, ადგილობრივები, ყოველ წელს ერთსა და იმავე პასუხს იღებენ, რომ გზის კეთილმოწყობა გათვალისწინებულია. საავტომობილო გზის კეთილმოწყობის მიზეზით, სოფელ დაგვაში მცხოვრებლებმა აქცია გამართეს. აცხადებენ, რომ ამჯერად ისინი ხელისუფლებას წინასაარჩევნოდაც გამორჩათ. გვარას მცხოვრებლები, პერმანენტულ, მასშტაბურ აქციებს აანონსებენ. ამ რეალობის მიუხედავად, ქობულეთის მერიაში გვიმტკიცებენ, რომ სოფელი ყურადღების მიღმა არ დარჩება. უწყების ინფრასტრუქტურისა და კეთილმოწყობის სამსახურის უფროსი ამობობს, რომ სამუშაოები ეტაპობრივად მიმდინარეობს და გვარასაც ამ პრობლემურ მონაკვეთსაც მიაკითხავენ. მეტ დეტალს ზაზა კაიკაციშვილი ვერ აკონკრეტებს. აღნიშნული გზის მონაკვეთით, სოფელ დაგვაში, ათეულობით ოჯახი სარგებლობს. როდემდე მოუწევთ ადგილობრივებს მტვერსა და ტალახში ცხოვება, ისევ გაურკვეველია.