საქართველოს რესპუბლიკის პრეზიდენტის ზვიად გამსახურდია წალენჯიხაში 25.09.1993 წელი. მესამე სვეტი რინოს კვარაცხელიას ლექსი
მესამე სვეტი ზვიად გამსახურდიას
ილიას მამულს თუ რად ჰყავდა ილიას მკვლელიც–
ბოლოსდა ბოლოს საჭიროა დაფიქრდეს ერი!
მოღალატენი,გაყიდულნი ოცდაათ ვერცხლად–
კარგახანია ინთხევიან სატანურ გესლად.
ჩვენი ქვეყანაც თურმე რამდენ ორგულებს ზრდიდა–
მამულის მტერი ყველა თქვენი მტერია,ზვიად!
საქართველოსთვის ჯვარცმული ხარმ ჯვარცმული ქრისტე,
როცა ჰგონიათ დაგაჩოქეს მაღლდები ისე–
რომ ამ სიმაღლით ყველა ბოროტს ესხმება რეტი,
საქართველოსთვის ხარ მესია, მესამე სვეტი!
და ქვეყნისათვის ვინც ამ ბურჯის გამოცლას ლამობს–
მხოლოდ და მხოლოდ საქართველოს დამხობის გამო
ისევ და ისევ მას იუდა ქართველი გეგმავს–
რომ საქართველოს კვლავ მონობის უღელი ედგას
მოძმეთა სისხლით ხელ შეღებილ ურჯულო მტარვალს–
განგმირავს ერის შეჩვენების მრისხანე ტალღა.
არ მიუტევებს ერი ფეხქვეშ ნების გათელვას–
ღვთის გარეგანებს,ქცეულთ ქვეყნის მუხანათებად.
ტკივილი ერის ბავშვობიდან ვინც მხრებით ზიდა–
მხოლოდა მხოლოდ საშველს მისგან მოელის, ზვიად!
მოქკერძეს ჭირი მაგრამ მაინც ურყევად დგახარ,
დაცხრები,როცა თავისუფალ სამშობლოს ნახავ.
მამულის მკერდზე მტრის მიერი ჭრილობა ღია–
თქვენ გელოდებათ ვით დასტაქარს,ბატონო ზვიად!
რინოს კვარაცხელია 1992 წლის იანვარი