სოციალურ აგენტებსა და საქართველოს ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის მინისტრის მოადგილეს, გიორგი წოწკოლაურს შორის შეხვედრა გაიმართა.
მხარეები შეთანხმდნენ, რომ სოციალურ აგენტებს ფიქსირებული ანაზღაურება გაუორმაგდებათ, ასევე შეიქმნება სპეციალური სამუშაო ჯგუფი, რომელიც მათ საჭიროებებზე იმუშავებს. გარდა ამისა უახლოეს პერიოდში მოხდება მათი ხელშეკრულებების ვადის გახანგრძლივება.
"ოფიციალურად ჩამოყალიბდება სამუშაო ჯგუფი, სადაც აუცილებლად იქნება წარმოდგენილი ინიციატივები, თუ როგორ შეიძლება განვითარდეს ეს მიმართულება და განიხილება ნებისმიერი საკითხი. ეს ჯგუფი იქნება მუდმივმოქმედი და ინტენსიურად გვექნება მათთან კომუნიკაცია. რაც შეეხება სახელფასო ზრდას - მე შემიძლია ვთქვა, რომ ის თანხები, რომელიც მათ ერიცხებოდათ სამგზავროდ, ეს თანხები მათ გაუორმაგდებათ," - განაცხადა გიორგი წოწკოლაურმა.