#ახალიამბები60 წლის მედდა, მარინა მიქაძე სამედიცინო სფეროსა და ფერმერობას, როგორც თავად ამბობს, შრომის სიყვარულით, წლებია ერთმანეთს უთავსებს. აბაშის მუნიციპალიტეტის სოფელ ქოლობანში მცხოვრები მედდა, 40 წელზე მეტია ხალხს ემსახურება, ყავს მეუღლე 4 შვილი და 8 შვილიშვილი.
მედიკოსის სამუშაო დღე მართალია დილის 10 საათზე იწყება, თუმცა როგორც ფერმერი იგი დილის 06:00 საათზე დგება და მეუღლეს სამეურნეო საქმიანობაში ეხმარება.
„გვაქვს, ორი სათბური სადაც მოგვყავს კიტრი, პომიდორი, ბულგარული წიწაკა და ნერგებს ვყიდით. ასევე გვყავს ღორები, მყავს 20 ძროხა და აქედან 8 მეწველია, მართალია ეს ყველაფერი შრომატევადია, მაგრამ უსაქმოდ ერთი წუთი ვერ გავჩერდები. შვილებია, შვილიშვილებია ხომ უნდათ საკვები, სხვა თუ ვერა, მეზობელს მაინც დავეხმარებით“, – ამბობს მარინა მიქაძე.