58 657 984
ნახვა
4 013
ვიდეო

უკრაინულ ეკლესიაში გახსნილი კოსმოსის მუზეუმი

გაზიარება შექმენი ლუპი
აპრილი 21, 2020
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

კიევის ოლქის ქალაქ პერეიასლავის ეთნოგრაფიულ პარკში მდებარე წმინდა მოწამე პარასკევას სახელობის მართლმადიდებლურ ეკლესიას უჩვეულო დანიშნულება გამოარჩევს - იქ კოსმოსის კვლევის მუზეუმია გახსნილი. დაწესებულება დამთვალიერებლებს იშვიათი ნივთების კოლექციას სთავაზობს, რომელთა შორის პირველი კოსმონავტის, იური გაგარინის წითელ სავარჯიშო პარაშუტსაც შეხვდებით.

კიევიდან 80 კილომეტრის დაშორებით მდებარე ქალაქში ხის ეკლესია 1891 წელს ააშენეს. მუზეუმად ის 1979 წელს გადაკეთდა, როდესაც უკრაინელმა აკადემიკოსმა, მიხაილო სიკორსკიმ მოსკოვიდან ჩამოტანილი ექსპონატების გამოფენა სწორედ იქ გადაწყვიტა. ეკლესიაში რაკეტის, კოსმონავტების სკაფანდრების, კოსმოსური აპარატების ნაწილების, კაფსულის მაკეტისა და ისტორიული ფოტოსურათების ნახვაა შესაძლებელი. უკრაინის მართლმადიდებელი ეკლესია, რომელიც დიდი ხანი არაა, რაც რუსეთის საპატრიარქოს გამოეყო, შენობის მისთვის გადაცემას და იქ ღვთისმსახურების აღდგენას ითხოვს. თუმცა, მოსკოვიდან დანიშნული ადგილობრივი მღვდელი, მამა ფეოდოსი ამას ეწინააღმდეგება და მუზეუმის შენარჩუნებას უჭერს მხარს.დაწესებულების სამეცნიერო ხელმძღვანელი კი სააგენტო "ფრანს-პრესისთვის" მიცემულ ინტერვიუში აცხადებს, რომ ის პერეიასლავის კოსმოსის კვლევის მუზეუმში კომპანია SpaceX-ის დამფუძნებლის, ამერიკელი მილიარდერის, ილონ მასკის მიწვევას გეგმავს და მისგან ახალი ექსპონატების მიღებასაც იმედოვნებს.

მაჩვენე მეტი
ტეგები : #ახალიამბები
Georgian Daily News-ის აპლიკაცია