8 782 836
ნახვა
3 357
ვიდეო

ირაკლი ღარიბაშვილი სამხედრო ცენტრ “კრწანისის” ტერიტორიაზე მიმდინარე სამშენებლო სამუშაოებს გაეცნო

გაზიარება შექმენი ლუპი
თებერვალი 21, 2020
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

#ახალიამბებითავდაცვის მინისტრი ირაკლი ღარიბაშვილი წვრთნებისა და სამხედრო განათლების მხარდამჭერ ცენტრ “კრწანისის” ტერიტორიაზე მიმდინარე სამშენებლო სამუშაოებს გაეცნო.

საერთო საჯარისო ცენტრის ტერიტორიაზე შტაბის შენობა, სასწავლო კლასები, ლაზარეთი, ყაზარმები, სასტუმრო და რეკრეაციული ზონა აშენდა და კაპიტალურად გარემონტდა. მიმდინარეობს ბეტონის შიდა გზების დაგება, სკვერების მოწყობა და ტერიტორიის გამწვანება. იგეგემება სპორტული ზონის მშენებლობა.

თავდაცვის სამინისტროს ინფორმაციით, ასევე, წვრთნებისა და სამხედრო განათლების მხარდამჭერი ცენტრის, “კრწანისის” ტერიტორიაზე თანამედროვე სტანდარტების ახალი სასადილო შენდება, რომელიც 1000 სამხედრო მოსამსახურეს მოემსახურება. უახლოეს პერიოდში დაგეგმილია სიმულაციური ცენტრის მშენებლობის დაწყება. ირაკლი ღარიბაშვილის განცხადებით, ინფრასტრუქტურული სამუშაოები აქტიურ ფაზაშია შესული. წლის ბოლომდე 200 ყაზარმას სრული რეაბილიტაცია ჩაუტარდება.

„მარტის ბოლომდე 60 ლოკაციაზე ვიქნებით შესული. ჯამში 250 ობიექტი იქნება სრულად გარემონტებული. ჩვენს სამხედროებს ღირსეული საცხოვრებელი პირობები ექნებათ და ყველა სამხედრო ბაზა ერთიანი, ნატოს სტანდარტით იქნება მოწყობილი,"- განაცხადა ირაკლი ღარიბაშვილმა.

თავდაცვის მინისტრის განახლებული სოციალური პოლიტიკის ფარგლებში, რომელიც სამხედრო მოსამსახურეებისთვის ღირსეული პირობების შექმნას ისახავს მიზნად, სამხედრო ბაზებზე ინფრასტრუქტურული სამუშაოები აქტიურად მიმდინარეობს.


მაჩვენე მეტი
ტეგები : #ახალიამბები